5161. Aan prinses Amalia van Oranje. (K.A.)*

Croyant ne pouvoir avoir l'honneur de veoir V.A. à ce soir, je prens la liberté de luy envoyer ces lettres, auxquelles j'ay travaillé de grand matin, prevoyant d'autres occupations, qui m'en eussent pû empescher. Car le poste doibt les avoir à ce soir. Il me semble que j'ay dit à Jermyn4) tout ce qui depend de ceste matiere. Si V.A. en demeure satisfaicte, elle signera l'autre, et l'homme qui les porte aura soing de les mettre toutes deux en un pacquet. - J'ay veu de visages estonnez, quand M. Moetsvelt a demandé audience au Conseil. Quand on a entendu que c'estoit, les courages sont revenus à d'aucuns, que je voy tousjours en apprehension de quelque message qui les touche de plus près. Prem.^r d'Aoust 1651.