Der leken spieghel
(1844-1848)–Jan van Boendale– AuteursrechtvrijLeerdicht van den jare 1330
Hoe ende in wat manieren hi tfolc bedrieghen sal. - VII.Sydrac seit dathi al
Vander werelt here sijn sal
Ende al tfolc sal onderbringhen
Sonderlinghe met vier dinghen:
5[regelnummer]
Die hoghe entie edele liede
Sal hi bedrieghen met miede
Ende met ghelovene grote dinghen,
Daer hise tonder mede sal bringhen.
Dander maniere daer hi mede sal
10[regelnummer]
Dat mate volc aen hem trecken al,
Dat sal met anxte wesen,
Met pinen ende met groter vresen,
Ga naar margenoot+Met tormenten ende groot ontsien,
So datsi aen hem sullen tien
15[regelnummer]
Mids vrese vander doot:
Dit sal wesen jammer groot!
Die derde maniere is dathi
So goedenGa naar voetnoot(*) clerc sijn sal daer bi,
| |
[pagina 261]
| |
Dathi sal connen harde wale
20[regelnummer]
Die zeven arten liberale,
So dathi in allen zinnen
Die goede clerke sal verwinnen;
Want die scrifture sal hi ontbinden
Met scalcheden die hi vinden
25[regelnummer]
Sal in sire behendicheiden,
Daer hi tfolc mede sal verleiden.
Ten vierden male met zinen doene
Sal hi die liede van religioene
Aen hem wel trecken connen,
30[regelnummer]
Alse monicke sijn ofte nonnen,
Minder broeders ende predicaren:
Dit mach elken noch meer daren.
Ga naar margenoot+Dese sal hi bedrieghen al
Met tekene die hi doen sal;
35[regelnummer]
Want hi sal, hebbic vernomen,
Van boven een vier doen comen,
So dat schinen sal met allen
Oft uten hemele quaem ghevallen,
Dat doden sal sine weder saken
40[regelnummer]
Ende alt volc vervaert sal maken.
Hi sal die dode op doen staen,
Datsi spreken sullen ende gaen
Ghelijc liede die leven,
| |
[pagina 262]
| |
Die orconde sullen gheven
45[regelnummer]
Vanden wondren die hi doet
Datsi sijn vraey ende goet.
Nu en verstaet groot noch smal
Dattie dode leven sal,
Maer die duvel sal, twaren,
50[regelnummer]
Inder doder lichame varen
Die ter hellen sijn ghewaghen,
Ende dien so sal hi draghen
Ga naar margenoot+Dathi spreken ende gaen sal schinen
Ende ooc arbeden ende pinen,
55[regelnummer]
Oft God onse here selve dade
Met sijnre godliker ghenade.
Ende Jherusalem die stat
Sal hi stichten ende maken bat;
Sijn name sal worden mare
60[regelnummer]
In al aertrike hier ende daere,
So dat tfolc van over al
In sijn ghelove vallen sal.
|
|