Der leken spieghel
(1844-1848)–Jan van Boendale– AuteursrechtvrijLeerdicht van den jare 1330
Vanden groten santen die quamen van Sinte Anna Marien moeder. - II.Joachim waerlike
Nam Anna in huwelike,
Ende dese vrouwe Anna
Hadde een zuster, hiet Hymeria,
5[regelnummer]
Ende si hadde twee kindre, dat ghijt wet:
Deen was Elyzabeth,
Sinte Jans Baptisten moeder;
Dander was Eliud, hare broeder,
Die was oudevader van Sinte Servase,
10[regelnummer]
Die te Tricht rustet optie Mase,
Die den bisscopstoel met sijnre machte
Van Tongheren te Tricht brachte,
Daer hi langhe stoet, als ic vernam,
Eer hi te Ludeke quam. -
| |
[pagina 26]
| |
15[regelnummer]
Dese goede vrouwe Anne
Hadde deen na dander drie manne:
Joachim was haer eerste man,
Die ons heren moeder an haer wan,
Diemen Joseph te huwelike gaf,
20[regelnummer]
Als ghi hier na sult horen daer af.
Doe Joachim doot was,
Nam si enen man, hiet Cleophas,
Die was Josephs broeder
Man Marien Gods moeder.
25[regelnummer]
Ga naar margenoot+ Cleophas wan an Annen, als ict sie,
Een dochter, hiet ooc Marie.
Deser Marien, wi lesent dus,
Ga naar margenoot+ Gafmen enen man, hiet Alpheus,
Die aen haer wan vier kinder:
30[regelnummer]
Deen was Jacob die minder,
Joseph, diemen ooc hiet Barsabas,
Ende Sente Symon, ende Judas.
Alse Anna haer ander man sterf,
Den derden si doe bewerf:
35[regelnummer]
Salome hiet hi, alsic versta;
Daer of hadde si ooc een Maria:
Zebedeus wert haer man,
Daer si twee kindere of ghewan,
Twee uutnemende zalighe manne,
| |
[pagina 27]
| |
40[regelnummer]
Den meerren Jacob ende Janne,
Den vermaerden ewangeliste,
Die Gods verholentheit wiste,
Dien God sijnre moeder gaf in hoeden,
Onder den cruce daer si stoeden.
45[regelnummer]
Dit salighe gheslachte ende dit goede
Quam al van ver Annen bloede:
Hier na zo zuldi horen,
Hoe Maria wert gheboren.
|
|