XLV.
Vander eendrachticheit ende verbonde der drie staten van Brabant
ende des lants van Overmase.
Na der voorseider sepulturen
5570
Hertoghen Anthonijs ghedaen
ter Vueren,
Alsoe ghi vore hebt ghehoort,
Keerden die staten rechtevoort
Des lants van Brabant, ende met hen
5575
Ende die ghedeputeerde mede
Der vriheiden ende der goeder stede
Slants van over Mase, tier tijt
Te Bruessele binnen, des seker sijt,
Des selfs avonts, alsoe als ghi
5580
Dat hebt ghehoort, in novembri
Den derden dach, dits seker waer;
Ende des andren daeghs daer naer,
Viere in novembri, notabelike
Aldaer vergadert, ende ripelike
5585
Met malcanderen ghewooghen zeere
Tgroot verlies van haren heere,
Ende die ontellike scade groot,
Die si bi hertoghen Anthonijs doot,
Haers liefs heeren, hadden ontfaen;
5590
Ende met zeeregher herten daer af ghedaen
Menichvuldeghe claghe onderlinghe,
Haren rouwe vernuwet: na die dinghe,
Hebben si ten utersten rechte voort,
Alsoe der wijsheit toebehoort,
5595
Dien overtolleghen druk voorseit
Met redeliker besceedenheit
Ghetempereert, ende Gode van dien
Ghelooft, ghedanct, ende aenghesien,
Dat na haren heere voorscreven,
5600
Twee ionghe sonen waren bleven;
Daer af dat zi, en lieghe u niet,
Den oudsten, dien men
Jan hiet,
Overdroeghen eendrachtelijc
Voor prince ende heere samentlijc
5605
Alle te houdene, si u bekant,
Van den lande van Brabant,
Ende van over Mase daer toe.
Maer want die oudste sone al doe
Noch ionc was, ende niet beiaert,
5610
Beduchten die wise vroede ter vaert,
Dat menich op hem soude grimmen
Ende pinen ieghen hem te climmen,
Die sinen vader na haer vermoghen
Aenloeghen ende haer knien boghen.
5615
Dus hebben si ghemerct mids dien,
Die trouwe ende vrientscap aenghesien,
Die si altijt hebben ghehat
Met malcanderen; ende dat,
Si die voortane sonderlinghe
5620
Voeden willen ende onderhouden;
Om dat si ewelijc bliven souden
In trouwegher vrientscap onghesceiden,
Onghesondert, in eendrechticheiden
Te gader voortane talder tijt,
5625
Om eere, oorbore ende profijt
Hertoghen Jans in alder wise,
[Des] oudsten soons shertoghen Anthonise
Wilen haers heeren, si u bekant,
Ende sgemeins lants van Brabant.
5630
Ende hebben alsoe in goeder trouwen
Deen den andren ghelooft tonderhouwen,
Ende in zekerheiden ghesworen, wilt verstaen,
Ten Heileghen, ewelijc voortaen
Durende in eendrechticheiden,
5635
Onghesondert ende onghesceiden
Bi een te blivene, verstaet den sen;
Ende ocht den lande oft eneghen van hen
Last of commer enegherande
Den heere aengaende of sinen lande
5640
Toe quame: die andere, sonder aflaen,
Die souden helpen wederstaen
Met live, met goede, met alder cracht;
Bi een bliven na al haer macht,
Sonder daer ieghen in gheender manieren
5645
Onscout te suekene eneghertieren.
Ende waert soe, dat iemant
Van hen, in den lande van Brabant
Ocht van over Mase, wie hi waer,
Oft enich persoon singulaer,
5650
Binnen den lande voorseit gheseten,
Hier ieghen dade, daer ment mocht weten,
Ghinghe of riede of ware rebel
In eenegher maniere: dat zi dat wel
Den ghenen of die ghene mede,
5655
Die dat dade ocht doen dede,
Bedwinghen souden ende helpen dwinghen,
Ende alselc hebben in allen dinghen,
Dat hi ocht si met goede, met liven,
Hier bi souden moeten bliven
5660
Sonder sceiden, sonder aflaten.
Ia, soe verre als die prelaten
Daer inne mochten verbinden hen,
Na recht ende ten utersten,
Hebben si ghelooft te houden
5665
Deen den andren, sonder ophouden,
Charteren, rechten, usagien,
Costumen ende herbringhen
Sonder erghelist. In oorconde der dinghen
5670
Ende ghetughenesse van desen,
Onder den datum voorghelesen,
Hebben si met grooter lieve
Hier af doen maken opene brieve,
Die beseghelt sijn, ic seker ben,
5675
Van XII abdten, ende met hen
Hondert ende XV met eeren
Greven, banrotsen, ridderen, heeren,
Edelen; ende die goede stede
Lovene ende Bruessele mede.
5680
Antwerpen zeghelde met te richt,
SHertoghenbossche ende Maestricht,
Thienen, Leeuwe, Nivele,
Diest; daerna
Herenthals, Liere, Arschot,
Breda,
Sichenen, Berghen opten Zoom,
5685
Steenberghen, Gheldenaken,
neemt goom;
Limborch, Valkenborch ende
Daelhem,
Rode, Wassenberghe ende met hem
Ghanghelt, Mille, Vucht,
Kerpenterstont,
5690
Voor hen ende dandere smael steden
Des lants van Brabant ende vriheden.
|
|
