Hoe die hertoghe met Eduwaerde trac in Vrancrike.
46.
Omtrent drie jare hier naer,
Doe men screef ons Heren jaer
Dertienhondert dertich ende achte,
Quam
Eduwaert met groter machte,
3915
Coninc doen van Enghelant,
Al tote Antwerpen in Brabant,
Met vierdalf hondert hoetscepen,
In den wille alsoe begrepen
Dat hi op woude lopen, hardelike,
3920
Philipse, coninc van
Vrancrike;
Dat hi naerre soude wesen
Der cronen van Vrancrike, dan
Philips, oft anders ieman,
Van rechten bloede, dat wet;
Want Philips was die oems sone
Die aen hem droech die crone,
Ende Eduwaert was der suster kint;
3930
Hier af quam een parlamint.
Hier op was Philips antwaerde:
Dat hi ware comen van den swaerde,
Ende Eduwaert van der vrouwen,
Ende dat men daer in mochte scouwen
Hoet daer met es dat blive daer.
Eduwaert hoepte wel voerwaer
Dat die keiser hem helpen soude,
3940
Om ene grote summe van goude;
Oec soe deeldi sinen scat
In duutschen lande, te menegher stat,
Om dat hi met machticheden
Philipse woude ane treden.
3945
Hier waren bedriveren ave
Reinout van Ghelre grave,
Ende
die grave van Gulke met,
Dies beide hadden te bet;
Want si in dit bedrijf tsamen
3950
Hoechden haers titels namen;
Want deen wil heten hertoghe,
Ende dander marcgrave hoghe,
Dat si in dit bedrijf wonnen,
Wants hem die keiser woude onnen.
3955
Dus soe lach Eduwaert daer,
Na dat die keiser soude comen
Tsijnre hulpen ende tsijnre vromen;
3960
Want hi hem meer gouts gaf.
Toten keiser nam sine vaert
Tote Covelense in de stede;
Ende wat hem die keiser dede;
3965
Ende hoe hi Eduwaerde scalkelike
Vicaris maecte van den rike;
Hoe die onnosele Eduwaert
Te Herke, ende tghedinge besat,
3970
Ende oec te Mechelen in die stat,
(Wie sach ye des ghelijcs?),
Ende ander dinghe daer toe met,
Dat blijft hier al onghelet.
3975
Diet al wille weten, vore ende na,
Ic rade hem dat hi ten boeke ga,
Daer ic dhistorie al te male
In hebbe gheset redenlic wale.
En sal hier nemmeer doen bekant
3980
Dan
den hertoghe van Brabant
Van desen yeesten ane gaet;
Want dese boec, dat verstaet,
En wilt anders niet gheleesten
Dan van Brabantschen yeesten.
|
|
