Print Brabantsche yeesten. Les gestes des ducs-de-Brabant par Jean de Klerk d'Anvers (3 delen)(1839-1869)–Jan van Boendale Vorige Volgende Hoe die kerstene trocken te Jherusalem waert. Dat XX Capittel. Nu sijn die kerstene uter noot. 1590 Doen wart daer die sterfte soe groot Dat vele liede ruumden die poert, Ende voeren, weder ende voert, Om beter lucht in andren steden, Als die der doot gherne ontreden. 1595 Die ghene die ontghinghen der plaghen, Vijf maende ende neghen daghen Laghen si in Anthiocien stille. Doen was der menegher wille Dat men setten soude die vaert 1600 Te Jherusalem, ten grave waert, Daer si omme lant ende maghe Begaven ende dogheden plaghe. Die ghene die ghevloen waren Bleven in groter scanden, te waren. 1605 Van Bloes mijn heer Steven Keerde met scanden in sijn leven Te Jherusalem te varen, Te beterne dat hi was ontfaren. Rechte voer die Purificatie 1610 God gaf den heren wille ende gratie Dat si die vaert wouden bestaen: Te Jherusalem pordensi saen, So si best moghen ende connen, Daer si tusschen hebben ghewonnen 1615 Meneghe stat, veste ende lant, Ende verslaghen meneghen viant, Daer si om dogheden menighe pine, Dat u te lanc stoede te sine Soude ict u vertrecken al; 1620 Des heb ic wille dat ic sal Som die dinc laten liden, Ende te Jherusalem waert tiden, Hoe die heilighe stat ghewonnen wart. Maer, ondertusschen, in die vaert, 1625 Soe keerde weder Boemont, Ende al sijn volc ter selver stont; Want hi hem ontsach ende dochte Dat hi Anthiocien verliesen mochte, Ende begaf aldus die heren, 1630 Die vaste vorwaert keren, Daer si meneghe stat wonnen, Eer si te Jherusalem comen connen. Soe dat si er soe na quamen Dat si die borch vernamen. 1635 Doen sachmen daer, sonder waen, Des avents die mane vergaen, Dies vele liede waren vroe, Die hen an sterren verstoeden doe. Snachs haeldense onder hem 1640 Groten roef op Jherusalem. Vorige Volgende
